Ntokaz’ enhle esho ngefig’ engath’ eyomnyovu,
Ngicel’ ungimel’ ibanganyana
Ngibek’ amaganyana,
Asuka ngaphakathi kwenhliziyo yami,
Yon’ ehlala ngakwesobuMnene somzimba wami,

Phel’ uma kuqhamuka wen’ imizwa yam’ iya-SHINER,
Njal’ uma ngikubon’ umzimba wami uyathuthumela,
Ingathi ngingakuhayel’ inkondlo
Kodwa ubuciko bami buyabaleka,
Ngizithole sengish’ Ogege lagege
Umshelo wakudala,

Ngingeqamb’ amanga ngith’ angisadli,
Phel’ umangidla ngokhez’ olungivezela wena
Ngiyakhuluphal’ empilweni,

Ngingeqamb’ amanga ngith’ angisagezi,
Phel’ umangigeza ngamanz’ aveza wena
Ngingengcole njalonjalo,

Ngingeqamb’ amanga ngith’ angisalali,
Iphupho lam’ uma linawe ngifisa sengathi ngingevuke,

Ngingeqamb’ amanga ngith’ angisababon’ abanye,
Iqiniso ngiyababona, ukuth’ u-number1 wuwe wuwe,
Phel’ um’ ungangiqoma umfazi wami wokuqala kungaba wuwe,

Ewu uyangihlanyisa mntwana
Akukholula ukukukhohlwa,

Ngiyazazi ngiyisidwedwe kodwa
Ngicel’ usule ngam’ ukungcola kwakho,
Ngiyinja nje kodwa
Ngicel’ ukukhonkotha phambi komyango wenhliziyo yakho,

IBHALWE NGU: CYRIL SPHAMANDLA NTULI